Raġel ta’ 65 sena residenti r-Rabat Għawdex sofra xi ġrieħi wara li għall-ħabta tal-4.30pm weġġa’ fi Triq ir-Rokon f’San Lawrenza, żona magħrufa aħjar bħala “taħt il-Mixta”.
L-inċident seħħ hekk kif ir-raġel kien niżel minn fuq sellum f’ġibja vojta u għal xi raġuni waqa’ madwar sular.
Fuq il-post marru l-ħaddiema tal-Protezzjoni Ċivili biex jassistu lir-raġel kif ukoll tim mediku mill-Isptar Ġenerali t’Għawdex fejn tawh l-ewwel għajnuna.
Hu ttieħed l-Isptar għal aktar kura. Il-kundizzjoni tiegħu s’issa għadha mhix magħrufa.
Il-pulizija mill-Għassa tar-Rabat qegħdin jinvestigaw il-każ.
