Raġel ta’ 35 sena residenti Ħal Qormi ammetta quddiem il-Maġistrat Donatella Frendo Dimech li gidem idejn u saqajn is-sieħba tiegħu waqt argument li kellkom.
Hu kien akkużat ukoll li kkaġuna ġrieħi ħfief lis-sieħba, kif ukoll li ħebb għaliha, insultaha, heddidha, u kiser kundizzjonijiet tal-ħelsien mill-arrest u sentenza tal-Qorti. Ir-reat seħħ fit-22 ta’ Novembru li għadda.
L-avukat Francois Dalli li deher għal akkużat talab lill-qorti biex qabel tingħata s-sentenza jsir rapport mediku dwar il-klijent tiegħu minħabba li skont hu jbati minn kundizzjonijiet mediċi u rabja diffiċli biex jikkontrollaha.
Il-Maġistrat Frendo Dimech laqgħet it-talba u ħelset lir-raġel taħt garanzija personali ta’ €5,000.
Il-Prosekuzzjoni tmexxiet mill-Ispettur Carlos Cordina.