Raġel ta’ 31 sena residenti Birkikara li ismu ma jistax jidher fuq ordni tal-Qorti ammetta li niżżel minn fuq l-Internet pornografija tat-tfal.
Hu kien mixli li fil-pussess tiegħu kellu materjal pornografiku li fih kien hemm jidhru fih tfal anke ta’ 9 snin.
Fost dawk li xehdu fil-proċeduri kien hemm il-psikoterapista li qalet li l-imputat kien ilu 14-il xahar jattendi terapija. Qal li hu qiegħed juri impenn u anke progress f’ħajtu.
Id-difiża qalet li qabel ma tingħata s-sentenza għandu jsir rapport minn probation officer liema talba ġiet milquha mill-Maġistrat Elaine Rizzi.
Il-Qorti laqgħet ukoll it-talba għall-ħelsien mill-arrest fuq garanzija personali ta’ €6,000, kif ukoll li jrid jififrma darbtejn fil-gimgħa fl-għassa tal-Pulizija.
Il-prosekuzzjoni tmexxiet mill-Ispettur Eman Hayman bl-Avukati Franco Debono u Adreana Zammit dehru għal imputat.