Raġel ta’ 38 sena kellu jittieħed l-Isptar Mater Dei wara li sofra xi ġrieħi hekk kif fi Triq Reġjonali Santa Venera seħħet ħabta bejn 4 karozzi.
L-inċident li seħħ għall-ħabta tal-5.00pm ħoloq konġestjoni kbira tat-traffiku wara li t-triq kellha tingħalaq għal xi ħinijiet.
F’dan l-inċident kien hemm involuti raġel ta’ 33 sena minn Raħal Ġdid li kien qed isuq Peugeot 308. Dan ir-raġel ma sofra l-ebda ġrieħi.
It-tieni karozza nvoluta kienet Volkswagen Golf li kienet misjuqa minn raġel ta’ 32 sena minn Ħal Luqa, filwaqt li t-tielet karozza nvoluta f’dan l-inċident u li s-sewwieq kellu jittieħed l-isptar hija Peugeot 208. I-kundizzjoni tar-raġel mill-Gżira s’issa għadha mhix magħrufa.
Ir-raba’ karozza kienet Toyota Hilux li kienet misjuqa minn raġel ta’ 60 sena minn Ħal Qormi. Dan tal-aħħar lanqas kellu bżonn kura medika.
Kelliem għal pulizija qal lil talk.mt li t-triq hija miftuħa għat-traffiku.
Il-pulizija għadhom qegħdin jinvestigaw dan il-każ.
