Raġel ta’ 56 sena residenti l-Gudja weġġa’ gravi wara li dalgħodu ntlaqat minn karozza f’Ħaż-Żebbuġ.
Kien għall-ħabta tal-5.30 a.m. xħin il-Pulizija kienet infurmata b’inċident fi Triq l-Imdina.
Minnufih il-pulizija marret fuq il-post fejn irriżulta li r-raġel kien intlaqat minn karozza misjuqa minn raġel ta’ 39 sena residenti l-Marsa.
Fuq il-post issejjaħ tim mediku sabiex jassisti u r-raġel ittieħed l-Isptar Mater Dei għal aktar kura. Il-kundizzjoni tiegħu għadha mhix magħrufa.
L-investigazzjonijiet tal-Pulizija għadhom għaddejjin.
