Raġel ta’ 40 sena, għal xi l-4:00 p.m, kellu jittieħed l-Isptar Mater Dei għax kien involut f’inċident fi Triq Santu Rokku, il-Kalkara.
Mill-investigazzjonijiet preliminari rriżulta li r-raġel, li joqgħod Ħaż-Żabbar, kien qiegħed isuq go-kart, tilef il-kontroll u ħabat ma’ trailer li kien ipparkjat.
Aktar tard, hu ġie ċċertifikat li qiegħed isofri minn ġrieħi serji.
Il-Maġistrat tal-Għassa Dr Marseann Farrugia LL.D ġiet infurmata bil-każ u ħatret inkjesta. L-investigazzjonijiet tal-Pulizija għadhom għaddejjin.
