Fi stqarrija l-Pulizija qalu li kienu ġew informati li kien hemm bżonn l-assistenzaf’garaxx fi Triq il-Parsott, il-Mosta.
Il-Pulizija marret minnufih fuq il-post u minn stħarriġ preliminari rriżulta li raġel ta’ 47 sena residenti l-Mosta, weġġa’ wara li waqa’ fuqu xi ħadid.
Fuq il-post issejjaħ tim mediku u ambulanza ħadet lill-vittma l-Isptar Mater Dei għall-kura meħtieġa, fejn ġie ċċertifikat li weġġa’ gravi.
L-investigazzjonijiet mill-Pulizija għadhom għaddejjin.
Aktar qabel: Ħaddiem l-Isptar wara li weġġa’ b’materjal li waqa’ fuqu fil-Mosta
Dan is-sit jinsab infurmat li ħaddiem kellu jiddaħħal l-Isptar wara li weġġa’ fuq il-lant tax-xogħol, għall-ħabta tan-12.30 p.m., fi Triq il-Parsott, il-Mosta.
Mill-ewwel informazzjoni li waslitilna jidher li l-ħaddiem weġġa’ b’xi materjal li waqa’ fuqu.
Fuq il-post issejjaħ tim mediku li tah l-ewwel għajnuna sakemm setas’ jittieħed l-Isptar Mater Dei permezz ta’ ambulanza li ssejħet fil-post. S’issa l-identità u l-kundizzjoni tiegħu għadhom mhux magħrufa.
Aktar dettalji la jaslulna…
