Il-winger ta’ Manchester City, Raheem Sterling, jista’ jiddeċiedi li jħalli lill-club bi free transfer fis-sajf li ġej.
L-internazzjonali Ingliż għad irid jiftiehem dwar kuntratt ġdid maċ-champions tal-Premier League u għandu jsir free agent fi tmiem l-istaġun li ġej.
Sterling kien marbuta b’mod qawwi ma’ ċaqliq ta’ self ma’ Barcelona fit-tieqa tat-trasferimenti ta’ Jannar, iżda l-player ta’ 27 sena baqa’ fl-Etihad Stadium u gawda minn staġun relattivament pożittiv taħt it-tmexxija tal-manager Spanjol, Pep Guardiola.
