Ralf Rangnick mhux se jibqa’ ma’ Manchester United bħala konsulent minkejja li kien qabel ma’ kuntratt ta’ sentejn mal-club.
Il-manager ta’ 63 sena mexxa lil Manchester United fuq bażi temporanja fit-tieni nofs tal-istaġun 2021-22 wara t-tluq ta’ Ole Gunnar Solskjaer bħala manager f’Novembru li għadda.
L-aħħar logħba ta’ Rangnick fit-tmun tar-Red Devils kienet it-telfa ta’ 1-0 fi tmiem il-ġimgħa li għaddiet kontra Crystal Palace, b’Erik ten Hag issa se jkun qed jieħu uffiċjalment il-kariga ta’ manager mal-club minn Old Trafford.
