Rangers keċċew lill-manager Michael Beale, 43 sena. Il-mandat tiegħu ġie fi tmiemu wara inqas minn sena fil-kariga wara t-telfa ta’ 3-1 tas-Sibt minn Aberdeen li ħalliethom seba’ punti wara l-leaders Celtic.
Anke l-kuntratti tal-coaches Neil Banfield, Damian Matthew, Harry Watling u Jack Ade, ġew terminati. Issa t-team se jitmexxa fuq bażi temporanja mill-midfielder veteran, Steven Davis, li se jkollu sensiela kruċjali ta’ logħbiet li jibdew il-Ħamis filgħaxija barra minn darhom kontra Aris Limassol, fl-Europa League.
