Il-klabb mill-ogħla diviżjoni Skoċċiża, Rangers ħabbar b’mod uffiċjali l-ħruġ tal-kowċ Russell Martin. Skont il-klabb, ir-riżultati ma laħqux l-aspettattivi tagħhom minkejja l-ħidma iebsa ta’ Martin u l-istaff tiegħu.
L-assistent kowċ Matt Gill u l-kollega Mike Williamson se jitilqu wkoll. Il-klabb irringrazzjahom għall-impenn tagħhom u xtaqilhom affarijiet sbieħ għall-futur.
Rangers jinsabu fit-tmien post tal-klassifika bi tmien punti minn seba’ logħbiet, 11-il punt ‘il bogħod mil-liders Hearts.