Marcus Rashford intlemaħ jiċċelebra is-26 sena tiegħu sigħat wara li kien parti mit-tim ta’ Manchester United li tilef 3-0 fid-derby kontra Manchester City.
Il-wirja ta’ Rashford xejn ma kienet tajba hekk kif hu naqas li jħalli l-impatt neċessarju sabiex it-tim imur aħjar fl-attakk.
Minkejja kollox, Rashford ftit deher imdejjaq wara dan ir-riżultat hekk kif organizza festin f’post tad-divertiment f’Manchester flimkien ma’ sħabu u dam sas-sigħat bikrin tat-Tnejn filgħodu.
Rashford xorta deher waqt is-sessjoni ta’ taħriġ tal-bieraħ filgħodu fiċ-ċentru tat-taħriġ f’Carrington għalkemm rapporti qed jgħidu li hu xorta jista’ jiġi kkastigat minn Erik Ten Haag li ma tantx jittollera serati bħal dawn.
