Wara li tilfu l-konfront klassiku kontra Barcellona 2-1, ir-rivali Real Madrid jistgħu jsellmu t-tamiet tagħhom għar-rebħ tal-kampjonat.
Kienet logħba fejn il-Madrileni kienu anonimi fejn għalkemm marru fil-vantaġġ, m’għarfux ikomplu juru pressjoni fuq il-Katalani. Fuq kollox spikka fin-negattiv l-attakkant veteran Franċiż Karim Benzema li minn disa’ okkażjonijiet ta’ skor li kien involut fihom, naqas milli jsib ix-xibka.
Saħansitra kien hemm ġurnal influwenti Spanjol li tah marka ta’ 0 hekk kif xejn ma impressjona u hu d-dell ta’ dak il-plejer li kien jiskorja numru ta’ goals f’kull kompetizzjoni.
