Real Madrid qed jikkunsidraw li jidħlu f’negozjati mal-aġent ta’ Marco Asensio, Horacio Giogli, dwar kuntratt ġdid għall-attakkant Spanjol.
Il-player ta’ 26 sena kien marbut ma’ ċaqliq ‘il bogħod minn mal-Los Blancos fis-sajf li għadda, b’Arsenal u Liverpool it-tnejn ħasbu li huma interessati, iżda fl-aħħar mill-aħħar baqa’ fil-Bernabeu.
Asensio kien regolari għat-team ta’ Carlo Ancelotti dan l-istaġun, fejn għamel 25 dehra fil-kompetizzjonijiet kollha, u skorja tmien gowls u assist wieħed fil-proċess.
Fil-bidu tal-istaġun, Real Madrid kienu kontra li joffru lill-internazzjonali ta’ Spanja estensjoni għall-ftehim attwali tiegħu, li jiskadi f’Ġunju tal-2023.
Madankollu, il-ġganti mill-kapitali Spanjola issa jistgħu javviċinaw lill-aġent ta’ Asensio, Horacio Giogli, biex jiddiskutu ftehim fit-tul fil-club.
L-attakkant versatili skorja 45 goal u rreġistra 23 assist f’218-il dehra għal-Los Blancos minn meta ngħaqad mal-club mingħand Mallorca fl-2014.
