Jidher li Real Madrid qed jikkunsidraw li jagħmlu offerta għall-attakkant ta’ Manchester United, Edinson Cavani f’Jannar.
Dan il-player ta’ 34 sena riċentement irritorna mill-injury biex daħal fl-aħħar żewġ logħbiet tat-team tiegħu kontra Aston Villa u Villarreal rispettivament, iżda jista’ jissielet għall-post inizjali minħabba l-wasla ta’ Cristiano Ronaldo matul is-sajf.
Cavani għandu jqatta’ l-bqija tal-istaġun f’Old Trafford qabel iħalli l-club bi free transfer, iżda kien hemm suġġerimenti li l-internazzjonali Urugwajan jista’ jfittex li jingħaqad ma’ club ġdid fil-bidu tal-2022.
Barcelona riċentement ġew ikkreditati b’interess, hekk kif il-ġganti Katalani qed ifittxu li jagħtu spinta lill-għażliet tagħhom fl-attakk għall-bqija tal-istaġun b’akkwist ta’ player bi prezz baxx.
Cavani qed jiġbed ukoll l-attenzjoni ta’ Real Madrid, li qed jiżnu pass għas-Sud-Amerika matul il-perjodu tatt-rasferimenti ta’ Jannar.
L-attakkant lagħab l-aħħar 10 minuti tal-konfront tal-Premier League ta’ Man United kontra Aston Villa fi tmiem il-ġimgħa li għaddiet qabel ma ġie utilizzat għall-aħħar 15-il minuta kontra Villarreal fiċ-Champions League nhar l-Erbgħa.
