Real Madrid se jkunu qed jagħmlu minn kollox sabiex jiksbu s-servizzi tal-attakkant internazzjonali Franċiż Kylian Mbappe. Dan tal-aħħar jilgħab ma’ Paris St Germain u jinsab fl-aħħar xhur tal-kuntratt tiegħu minħabba li ma jridx iġeddu.
Mbappe qed jiġi nnutat ukoll minn xi klabbs mill-Arabja Sawdija u għalhekk żgur li fis-sajf li ġej se jkun hemm telenovela oħra, l-istess bħalma ġara fix-xhur bejn Ġunju u Awwissu meta hu kien tant viċin li jitlaq mill-belt kapitali Franċiża.
Il-president ta’ Real Madrid Florentino Perez ikkonferma li Mbappe hu wieħed mill-objettivi ewlenin għall-istaġun li ġej.
