Real Madrid identifikaw lill-midfielder ta’ Inter, Nicolo Barella, bħala mira potenzjali għat-trasferiment tas-sajf.
Filwaqt li Real Madrid gawdew minn staġun b’saħħtu minħabba l-vantaġġ tagħhom fil-La Liga u wara li waslu sal-kwarti tal-finali taċ-Champions League, hemm ix-xewqa minn wara l-kwinti li jġeddu l-iskwadra tal-ewwel team.
Dan se jseħħ fis-sajf b’bosta players minn dawk li jaqilgħu l-aktar se jkunu bla kuntratt, iżda jidher li tranżizzjoni volontarja tista’ sseħħ ukoll f’nofs il-ground.
Il-Los Blancos jistgħu jkunu lesti li jikkunsidraw offerti għal Toni Kroos, li għalaq 32 sena f’Jannar u beda biss 20 mid-29 logħba ta’ Real f’dan l-istaġun.
Il-manager Carlo Ancelotti huwa ammiratur tal-kompatrijott Taljan Barella, player li rebaħ it-titlu tas-Serie A u l-Euro 2020 is-sena l-oħra.
Real huma allegatament lesti li jagħmlu offerta ta’ €80m għall-player ta’ 25 sena, li l-kuntratt tiegħu f’San Siro jiskadi fl-2026.
