Real Madrid qalu li l-proposta tal-UEFA li tirrimborsa lil seszzjoni ta’ partitarji li attendew il-finali taċ-Champions League tas-sena l-oħra hija “insuffiċjenti” u talbu li l-partitarji kollha għandhom jiġu kkumpensati.
Rapport indipendenti sab li l-UEFA għandha “responsabbiltà primarja” għal xeni kaotiċi li “kważi wasslu għal diżastru” barra li Stade de France, f’Pariġi.
Real Madrid qalu li mhux se jaħdmu bl-iskema ta’ ħlas lura “limitat” tal-UEFA
Il-club irid li l-UEFA “tirrattifika u tassumi responsabbiltà sħiħa”.
Il-UEFA sostniet li l-iskema ta’ kumpens kienet “ġusta u tirrifletti b’mod preċiż il-problemi relattivi li ffaċċjaw il-partitarji matul il-lejl”.
Il-korp governattiv tal-futbol Ewropew ħabbar li se jagħti kumpens lill-partitarji li kellhom biljetti għall-finali, li ntlagħbet bejn Madrid u Liverpool fit-28 ta’ Mejju, f’żoni speċifiċi tal-istadium.
Il-partitarji ta’ Liverpool ġew attakkati bil-gass tad-dmugħ hekk kif il-kick-off ġie ttardjat b’36 minuta.
Ir-rapport, ikkummissjonat mill-UEFA u maħruġ ix-xahar li għadda, qal li kien “rimarkabbli li ħadd ma tilef ħajtu”.
