Real Madrid laħqu ftehim ma’ Kylian Mbappe biex fis-sajf jiffirmaw lill-attakkant mingħand Paris Saint-Germain bi free transfer.
Huwa mifhum li matul l-aħħar sena li l-Los Blancos identifikaw lill-player ta’ 23 sena bħala l-mira primarja tagħhom, u minkejja li fallew b’offerta ta’ £154m fis-sajf li għadda, xorta għandhom interess sod li jakkwistaw lill-Franċiż, li se jkun barra mill-kuntratt f’Ġunju.
Real Madrid fl-aħħar għamlu avvanz fit-tfittxija tagħhom għar-rebbieħ tat-Tazza tad-Dinja tal-2018, li aċċetta li jingħaqad mal-club bħala free agent meta jiskadi l-kuntratt tiegħu ta’ PSG.
Mbappe qabel dwar pakkett kuntrattwali li jiswa madwar £41.5m fis-sena, għalkemm it-tul tal-ftehim għadu mhux magħruf.
PSG kienu qed jittamaw li jorbtu lil Mbappe bi ftehim ġdid fit-tul; madankollu, l-attakkant jidher li xeħet ħasrstu fuq mossa tal-ħolma lejn is-Santiago Bernabeu.
Mbappe, li hu meqjus bħala wieħed mill-aqwa attakkanti fil-football dinji, skorja 151 goal u pprovda 77 assist f’199 dehra għal PSG fil-kompetizzjonijiet kollha.
