Real Madrid qed jikkunsidraw li fis-sajf li ġej jiffirmaw lill-midfielder internazzjonali Ingliż, Jude Bellingham, mingħand Borussia Dortmund. Infatti dan il-player se jkun il-prijoritá tagħhom fis-suq tat-trasferimenti, tant, li huma lesti li jħallsu €100 miljun.
Min-naħa tiegħu, Bellingham mistenni li jieħu deċiżjoni dwar il-futur tiegħu wara li tintemm it-Tazza tad-Dinja hekk kif bħalissa jinsab mal-iskwadra Ingliża fil-Qatar.
Il-Madrileni qed jaraw lilhom infushom fl-aħjar pożizzjoni li jiffirmaw lil dan il-player ta’ 19-il sena minkejja li qed jiġi segwit mit-tliet clubs Ingliż, Chelsea, Liverpool u Manchester City.
