Il-kowċ ta’ Real Madrid Carlo Ancelotti saħaq li t-tim immexxi minnu mhux se jkun qed jagħmel l-ebda akkwist matul it-tieqa tat-trasferimenti ta’ Jannar.
Il-Los Blancos kisbu biss żewġ plejers matul is-sajf li għadda, b’Aurelien Tchouameni jingħaqad magħhom mingħand Monaco, filwaqt li Antonio Rudiger issieħeb magħhom bi free transfer mingħand Chelsea.
Real Madrid għadhom marbuta ma’ numru ta’ akkwisti potenzjali ġodda, u rapporti riċenti sostnew li l-klabb jista’ jkun attiv fis-suq tat-trasferimenti tax-xitwa.
