Real Madrid u Barcelona qed iħejju biex jidħlu f’taqtiegħa ma’ Liverpool għall-firma tal-midfielder ta’ Real Sociedad, Mikel Merino matul it-tieqa tat-trasferimenti tas-sajf li ġej.
Il-player ta’ 25 sena kien f’forma qawwija għall-club Bask tiegħu matul l-istaġun 2021-22, skorja tliet goals u pprovda żewġ assists fi 17-il dehra fil-kompetizzjonijiet kollha.
Liverpool huma maħsuba li se jkunu qed jagħmlu offerta għall-internazzjonali ta’ Spanja, li huwa meqjus mir-Reds bħala alternattiva irħas għal Jude Bellingham ta’ Borussia Dortmund.
Madankollu, hemm ukoll interess ġenwin kemm minn Real Madrid kif ukoll minn Barcelona, b’dawn jippreparaw biex jidħlu f’taqtiegħa ma’ Liverpool għas-servizzi tiegħu s-sena d-dieħla.
Offerta ta’ madwar €40m x’aktarx li tkun biżżejjed biex tħajjar lil Real Sociedad għal bejgħ minkejja l-fatt li l-midfielder għad fadallu erba’ snin fil-kuntratt attwali tiegħu.
Merino, li qabel lagħab fil-Premier League ma’ Newcastle United bejn l-2017 u l-2018, ma tilef l-ebda partita għall-club tiegħu tal-La Liga fl-ebda kompetizzjoni matul l-istaġun kurrenti.
