Real Madrid u Liverpool huma meqjusa bħala favoriti biex jiffirmaw lill-midfielder ta’ Ajax, Ryan Gravenberch.
Minkejja li fadallu sitt xhur biex jagħlaq l-20 sena, Gravenberch diġà stabbilixxa lilu nnifsu bħala player ewlieni mal-ġganti Olandiżi, billi skorja 10 goals u pprovda 10 assists minn 86 dehra.
Madankollu, bl-internazzjonali Olandiż fadal biss 18-il xahar fuq il-kuntratt tiegħu, iż-żagħżugħ naturalment qed jiġi marbut ma’ ċaqliq x’imkien ieħor.
Real Madrid huma lesti li jidħluf’taqtiegħa mar-rivali Liverpool għall-firma tiegħu.
Rapporti preċedenti ssuġġerew li Ajax jistgħu jkunu lesti li jaċċettaw offerta ta’ £42m matul it-tieqa tat-trasferimenti tas-sajf, sakemm ma jirnexxilhomx iħajru lill-player biex jibqa’ mal-club.
Clubs oħra ta’ profil għoli, bħal Manchester United, ġew marbuta ma’ Gravenberch fil-passat.
