Real Sociedad huma ħerqana li jakkwistaw lill-attakkant ta’ Manchester United, Juan Mata f’Jannar.
Il-player ta’ 33 sena ma lagħab lanqas minuta waħda fil-Premier League għar-Red Devils matul l-istaġun 2021-22, bi tnejn mit-tliet dehriet tiegħu jaslu fiċ-Champions League.
Il-kuntratt ta’ Mata f’Old Trafford għandu jiskadi f’Ġunju li ġej, u kien hemm spekulazzjoni dwar il-futur tal-Ispanjol qabel it-tieqa tat-trasferimenti ta’ Jannar.
Real Sociedad qed jittamaw li jipperswadu lir-Red Devils biex iħallu lill-playmaker jitlaq bi free transfer fil-bidu tal-2022.
Il-coach tal-club Bask, Imanol Alguacil, irid li l-‘esperjenza kbira’ ta’ Mata tgħinhom jimbuttaw biex jispiċċaw mal-ewwel erbgħa fil-La Liga dan l-istaġun.
L-Ispanjol, li kien ukoll marbut ma’ Barcelona, huwa prodott tal-akkademja ta’ Real Madrid qabel ma lagħab ma’ Valencia għal erba’ snin biex imbagħad ingħaqad ma’ Chelsea.
