Minn Cristian Muscat
Neptunes……………13
Birżebbuġa………….6
(0-0, 2-3, 5-1, 6-2)
Neptunes kisbu rebħa komda ta’ 13-6 kontra Birżebbuġa u dan għalkemm sa tmiem it-tieni sessjoni, huma kienu goal minn taħt. Iżda reazzjoni f’waqtha fit-tielet sessjoni rat lil Neptunes jieħdu l-kmand tal-logħba u finalment jiksbu rebħa meritata.
Għalihom spikka l-player Alec Fenech li rreġistra hat-trick personali.
Filwaqt li l-ewwel sessjoni ma pproduċiet l-ebda goal, fit-tieni sessjoni Birżebbuġa ssorprendew lil Neptunes hekk kf ħarġu rebbieħa bl-iskor ta’ 3-2, bil-goals jaslu minn Ben Grech (2) u Keith Tanti minn man-up wara li tkeċċa Alec Fenech. Izda l-istess Alec Fenech, minn man-up wara li tkeċċa David Cutajar, u Jake Cachia ukoll minn sitwazzjoni ta’ raġel iktar wara li din id-darba tkeċċa Giuseppe Mannino rrispondew għal Neptunes.
Reazzjoni mmmedjata kienet imperattiva minn Neptunes u din waslet fit-tielet sessjoni hekk kif huma ħarġu rebbieħa bl-iskor ta’ 5-1, bl-iskorers ikunu James Spiteri Staines, Stevie Camilleri minn man-up wara li tkeċċa Giuseppe Mannino, Alec Fenech, Michael Spiteri Staines minn sitwazzjoni ta’ player atktar wara li tkeċċa Neil Cassar u Mark Castilllo. Keith Tanti skorja l-uniku goal għat-team minn nofsinhar ta’ Malta.
Neptunes komplew jiddominaw u rebħu l-aħħar sessjoni bl-iskor ta’ 6-2, permezz ta’ Jake Cachia, James Spiteri Staines, Jordan Camilleri (2) bit-tieni goal għalih jasal minn man-up wara li tkeċċa Giuseppe Mannino, Alec Fenech ukoll minn man-up wara li din id-darba tkeċċa Ben Grech u Sam Gialanze minn penalty.
Min-naħa l-oħra, Giuseppe Mannino bi player aktar, wara li tkeċċa Gabriel Pace u Keith Tanti ukoll minn sitwazzjoni ta’ man-up wara li din id-darba tkeċċa Michael Spiteri Staines, wieġbu għal Birżebbuġa.
Neptunes: 1-Alan Borg Cole, 2-Jake Muscat, 3-Sam Gialanze (1), 4-Gabriel Pace, 5-Jake Cachia (2), 6-James Spiteri Staines (2), 7-Stevie Camilleri (1), 8-Jordan Camilleri (2), 9-Max Farrugia, 10-Michael Spiteri Staines (1), 11-Alec Fenech (3), 12-Mark Castillo (1) Coach: Jovan Popovic
Birżebbuġa: 1-Miguel Vassallo, 2-Julian Farrugia, 3-Neil Cassar, 4-Ben Grech (2), 5-Christian Mifsud, 6-Ryan Mock, 8-David Cutajar, 10-Keith Tanti (3), 11-Giuseppe Mannino (1), 12-Miguel Curmi, 13-Matthew Sladden, 14-Gabriel Sammut Coach: Pierre Borg
Referees: Massimo Angileri, Alessandro Roberti
