Il-coach ta’ Real Madrid, Carlo Ancelotti, identifika lid-difensur lemini ta’ Chelsea, Reece James, bħala l-mira tat-trasferiment tas-sajf.
Iż-żagħżugħ ta’ 22 sena affronta diversi problemi ta’ injury dan l-istaġun iżda xorta rnexxielu jirreġistra sitt goals u seba’ assists f’31 dehra għat-team immexxi minn Thomas Tuchel fil-kompetizzjonijiet kollha.
James diġà ffaċċja lil Real Madrid darbtejn fiċ-Champions League dan l-istaġun, u lagħab il-210 minuta sħaħ fiż-żewġ legs għal Chelsea fil-kwarti tal-finali kontra l-Los Blancos.
Il-coach Ancelotti u Real Madrid kienu qed iżommu ħarsithom mill-qrib fuq James waqt il-konfront tagħhom taċ-Champions League kontra Chelsea u għoġobhom dak li raw mill-internazzjonali Ingliż.
Real x’aktarx se jkollhom iċedu bosta players periferiċi qabel ma jagħmlu ċaqliq għal James, bid-difensur mhux probabbli li jkun disponibbli bl-irħis minkejja l-inċertezza dwar is-sitwazzjoni tat-tmexxija ta’ Chelsea.
James skorja disa’ goals u pprovda 15-il assist f’115-il dehra ma’ Chelsea wara li tela’ fil-gradi taż-żgħażagħ tagħhom u baqa’ kuntrattat mal-club sal-2025.
