Il-Premier League mistennija tintroduċi regola ġdida li tippermetti biss lill-captains jitkellmu mar-referee waqt il-logħbiet mill-istaġun li ġej.
Huwa mistenni li l-klabbs japprovaw il-bidla waqt l-laqgħa ġenerali annwali tax-xahar id-dieħel, u dan ifisser li biss il-captains jistgħu jiddiskutu inċidenti waqt il-logħbiet mar-referees.
Din ir-regola ntużat għall-ewwel darba matul Euro 2024 u mbagħad ġiet estiża għall-kompetizzjonijiet tal-UEFA dan l-istaġun.
Il-plejers mhux se jkunu kompletament ipprojbiti milli jitkellmu mal-uffiċjali, iżda d-djalogu dwar mumenti importanti se jkun riservat għaż-żewġ captains biss.
Fejn il-goalkeeper ikun il-captain, it-tim jista’ jinnomina plejer li jilgħab barra l-linja ( bħala l-persuna li tikkumunika mar-referee.
