L-40 laqgħa tal-istaġun li saret it-Tlieta fil-għaxija fil-korsa tal-Marsa kienet tikkonsisti minn għaxar tiġrijiet kollha għal żwiemel tat-trott fuq distanza twila ta’ 2640m u dawn kienu kollha heats mill-kompetizzjoni Sajfija Cisk Lager. L-attenzjoni kienet fuq it-tiġrija għal żwiemel tal-klassi Premier u li ntrebħet minn Crack Money misjuq minn Michael Ellul li rnexxilu jtemm rebbieħ f’medja impressjonanti ta’ 1.13” fil-kilometru. Dan huwa rekord nazzjonali ġdid fuq din id-distanza.
Fl-uniku tiġrija Premier, ġrew biss tmien żwiemel. Din ma tantx kellha storja, biż-żiemel tal-mument f’Malta, Crack Money (Michael Ellul) jiddomina tul id-distanza u jaqsam il-linja finali b’vantaġġ impressjonanti ta’ aktar minn għaxar tulijiet minn Marcello Wibb (Paul Galea) u Akela Play (Clint Vassallo). Djembe Du Pont (Noel Baldacchino) temm fir-raba’ pożizzjoni.
Ta’ min jinnota li din kienet is-seba’ rebħa f’Malta minn tmien ħarġiet u s-sitt rebħa konsekuttiva għal Crack Money. Żgur li dan il-Franċiż propjeta’ ta’ Stephen Ciangura qiegħed jikkonferma li hu wieħed fost l-aqwa żwiemel importati ta’ kull żmien.
Ir-rebbieħa kollha
I Tiġrija. Klassi Copper. Dist – 2640m. 1. Hative De Ronsard (D. Cortis) Ħin – 3.30.2” (1.19.6”) 2. Jaguar Des Caux (J. C. Pace) 3. Fanfan Cash (G.P. Camilleri) 4. Heroine Flandiere (J. Carabott)
II Tiġrija. Klassi Bronze B. Dist – 2640m. 1. Galys Du Patural (Ch. Degiorgio) Ħin – 3.25.4” (1.17.8”) 2. Oro Doc (M. Ellul) 3. Friend (R. Gatt) 4. Heros De Claivince (Ch. Camilleri)
III Tiġrija. Klassi Copper. Dist – 2640m. 1. Iros Dairpet (F. Spiteri) Ħin – 3.23.1” (1.16.9”) 2. Hurricane Du Temps (D. Baldacchino) 3. Khali Magdalon (M. Ellul) 4. Invictus Boy (C. Vassallo)
IV Tiġrija. Klassi Silver A. Dist – 2640m. 1. Mojo Express (R. Gatt) Ħin – 3.20.2” (1.15.8”) 2. Gosse Fredano (N. Barbara) 3. Moon Zappa (J. Gafa’) 4. Casino d’Ourville (P. Galea)
V Tiġrija. Klassi Gold. Dist – 2640m. 1. Concerto Star (R. Gatt) Ħin – 3.23.8” (1.17.2”) 2. Diego Du Coudou (J. Gafa’) 3. Bicetre (R. Gatt) 4. Defi Orageux (C. Gerada)
VI Tiġrija. Klassi Bronze B. Dist – 2640m. 1. Gypsa Bella (Ch. Camilleri) Ħin – 3.28.1” (1.18.8”) 2. Heros Barbes (R. Magro) 3. Amenophis Du Lilas (D. Cortis) 4. Conflit (T. Demanuele)
VII Tiġrija. Klassi Silver A. Dist – 2640m. 1. Elitlove Pasmarick (P. Galea) Ħin – 3.23.4” (1.17”) 2. Jadore Sugar (D. Cortis) 3. Defi Nay (R. Gatt) 4. Du Snob (J. Gafa’)
VIII Tiġrija. Klassi Gold. Dist – 2640m. 1. Filou Star (D. Gatt) Ħin – 3.20” (1.15.8”) 2. Caid Sly (R. Magro) 3. En Toi J’Espere (A. Farrugia) 4. Cutty Sark (J. Gafa’)
IX Tiġrija. Klassi Premier. Dist – 2640m. 1. Crack Money (M. Ellul) Ħin – 3.12.6” (1.13”) 2. Marcello Wibb (P. Galea) 3. Akela Play (C. Vassallo) 4. Djembe Du Pont (N. Baldacchino)
X Tiġrija. Klassi Silver B. Dist – 2640m. 1. Galeo Du Portugal (K. Axisa) Ħin – 3.21.5” (1.16.3”) 2. Gabin Sellois (A. Farrugia) 3. Hurricane (N. Baldacchino) 4. Fighter Perrine (R. Gatt)
