Fil-Pixxina Nazzjonali Tal-Qroqq, ilbieraħ wara nofsinhar bdew il-Kampjonati Nazzjonali tal-Għawm imtella’ mill-Assoċjazzjoni Sport Akwatiku ta’ Malta.
Il-Kampjonati se jkunu mifruxa fuq perjodu ta’ erbat ijiem li jintemm il-Ħadd filgħaxija. L-ewwel jum rat erbgħa u għoxrin avveniment iseħħu.
Wara t-tmiem tal-kompetizzjoni għal nhar il-Ħamis, ġie stabbilit Rekord Nazzjonali fl-avveniment tal-200m backstroke minn Dylan Cachia.
Cachia għam ħin ta’ 2:08.35, fejn għeleb ir-rekord preċedenti stabbilit fl-2019 minn Thomas Wareing b’.6 ta’ sekonda.
It-tieni jum tal-Kampjonati Nazzjonali jkomplu llum il-Ġimgħa 15 ta’ Lulju fis-1800hrs.
