Skond rapporti fil-media Franċiża, il-midfielder Portugiż, Renato Sanches, jinsab ferm viċin li jħalli liċ-champions Franċiżi Paris St Germain wara staġun wieħed biss.
Fil-fatt hemm diversi timijiet mill-kampjonat Premier Ingliż li jridu s-servizzi tiegħu fosthom Liverpool u Leicester City.
Jidher li Renato Sanches xejn m’hu kuntent bin-numru ta’ minuti li lagħab mal-Pariġini hekk kif s’issa minn 20 partita fejn skorja żewġ gowls lagħab total ta’ 652 minuta biss.
