Pumpiera mid-Dipartiment tal-Protezzjoni Ċivili kienu mitlubin jassistu fil-Qawra minħabba nirien li żviluppaw f’għalqa biswit bini residenzjali fil-Qawra.
Il-każ seħħ ftit qabel nofsillejl meta xi nirien x’aktarx żviluppaw minn xi ħaxix niexef fl-istess għalqa. Persuni li tkellmu magħna qalulna li n-nirien komplew jikbru u kien hemm diversi persuni li għażlu li jevakwaw minn darhom bħala miżura ta’ prekawzjoni.
Għalkemm fortunatament ħadd ma ndarab, in-nirien tant kienu viċin il-bini residenzjali li wħud mir-residenti spiċċaw ħarġu minn djarhom bil-ħwejjeġ tas-sodda.
