Ir-residenti ta’ Wied il-Għajn u ċ-ċittadini inkwetati ta’ Malta u Għawdex ingħaqdu għat-tielet darba fi żmien tliet ġimgħat sabiex jesprimu r-rabja tagħhom kontra l-pjanijiet ta’ Transport Malta għal yacht marina fil-lokalità.
L-għawma ta’ protesta saret waranofsinhar illum biex tibgħat messaġġ ċar li n-nies mhux ser jaċċettaw li jkompli għaddej “is-serq tal-ftit spazji pubbliċi” li fadlilhom u li huma vitali għas-saħħa, ir-rikreazzjoni, l-attivitajiet kulturali, l-ambjent naturali u l-kwalità tal-ħajja tagħhom.
