Bil-għan li tiġi kkonsolidata l-ħidma fil-qasam tal-artijiet mal-preservazzjoni tal-wirt nazzjonali u l-ħtiġijiet varji tal-Kunsilli Lokali, il-Ministru Owen Bonnici se jassumi r-responsabbiltà tal-Awtorità tal-Artijiet bħala l-Ministru għall-Kultura, l-Artijiet u l-Gvern Lokali. Is-Segretarju Parlamentari Alison Zerafa Civelli se tibqa’ taqdi r-responsabbiltajiet tagħha f’dan il-Ministeru.
Il-Ministru Stefan Zrinzo Azzopardi se jkun il-Ministru għall-Fondi Ewropej u l-Implimentazzjoni tal-Programm Elettorali.
Sadanittant, il-Ministru għall-Intern, is-Sigurtà u x-Xogħol Byron Camilleri se jieħu wkoll ir-responsabbiltà tal-Fond għall-Iżvilupp Nazzjonali u Soċjali (NDSF) filwaqt li s-Segretarju Parlamentari għad-Djalogu Soċjali Andy Ellul se jieħu wkoll ir-responsabbiltà tal-Awtorità Maltija għall-Kompetizzjoni u l-Affarijiet tal-Konsumatur (MCCAA).