Il-Kap Eżekuttiv il-ġdid ta’ Manchester United Richard Arnold huwa ħerqan li l-manager ta’ Ajax, Erik ten Hag, isir il-manager il-ġdid tal-club.
Mauricio Pochettino għadu marbut mal-pożizzjoni f’Old Trafford, u rapport riċenti sostna li l-maġġoranza tal-players ta’ Man United jridu li l-coach ta’ Paris Saint-Germain jieħu dan ir-rwol.
Madankollu, Ten Hag huwa wkoll maħsub li jinsab biċ-ċans li jisr il-manager il-ġdid tar-Red Devils minħabba l-ħidma impressjonanti tiegħu ma’ Ajax, bl-Olandiż jingħad li hu l-għażla preferuta tal-manager temporanju attwali Ralf Rangnick.
Huwa mifhum li l-kap eżekuttiv il-ġdid ta’ Manchester United Arnold qed jappoġġa wkoll lil Ten Hag biex isir il-manager permanenti tal-club mill-bidu tal-istaġun 2022-23.
Rangnick ilu jimbotta biex jikkonvinċi lir-Red Devils li l-manager ta’ Ajax għandu jkun l-għażla numru wieħed għar-rwol.
Il-kuntratt ta’ Ten Hag ma’ Ajax mistenni jibqa’ għaddej sa Ġunju 2023, iżda kien hemm pretensjonijiet li l-Olandiż huwa miftuħ li jieħu r-rwol f’Old Trafford fi tmiem dan l-istaġun.
