Sliema Wanderers ..1
Sta Lucia ……………1
It-timijiet li jinsabu fl-aħħar żewġ postijiet, Santa Lucia u Sliema Wanderers temmew fi draw ta’ 1-1 liema riżultat ma kkuntenta lil ħadd hekk kif jidhru maqtugħin għalihom b’possbbiltá kbira li se jitilfu posthom fl-ogħla diviżjoni.
Sta Lucia kellhom bidu tajjeb u fit-13-il minuta, fetħu l-iskor meta VITO PLUT ħa ballun f’nofs il-ground u avvanza tajjeb sakemm spara xutt mill-isbaħ minn barra l-kaxxa li għeleb lill-goalkeeper David Cassar.
Sliema rrispondew fil-15-il minuta bi cross ta’ Ruslan Kisil li minnu, Berisha bir-ras tefa’ ftit barra. Seba’ minuti wara, konklużjoni ta’ Matteo Piciollo ġiet mxellfa f’corner u mill-corner ta’ Danny Holla, il-goalkeeper Justin Haber imblokka tajjeb.
Iżda fis-26 minuta kienu Santa Lucia li reġgħu resqu qrib b’mossa sabiħa ta’ Vito Plut li daħal fil-kaxxa mix-xellug u b’xutt qawwi, laqat il-mimduda … Dexter Xuereb jieħu r-rebound u jixxuttja fil-baxx lejn l-istess Plut li kellu t-tentattiv tiegħu imblukkat minn Cassar.
Madankollu żewġ minuti fil-ħin miżjud tal-ewwel taqsima, Sliema għamlu l-iskor indaqs meta Berisha daħal tajjeb mix-xellug u xxuttja fil-baxx b’Haber isalva parzjalment biex RUSLAN KISIL bil-kalma kollha xeħet ġewwa.
Fl-54 minuta Haber imblokka tentattiv ta’ Holla dirett minn cor
ner u għaxar minuti wara, il-goalkeeper ta’ Santa Lucia salva tajjeb fuq xutt ta’ Piciollo minn barra l-kaxxa. Fit-68 minuta, cross-shot ta’ Morales ġie salvat ukoll minn Haber.
Fil-81 minuta, Xuereb mar viċin għal Santa Lucia b’daqqa ta’ ras minn corner ta’ Silva Mota biex erba’ minuti wara, daqqa ta’ ras oħra ta’ Plut ġiet imblukkata minn Shaw.
Minuta mit-tmiem, Sliema kellhom iċ-ċans li jiskorjaw il-goal tar-rebħa iżda d-daqqa ta’ ras ta’ Goncalves, minn cross ta’ Berisha, ġiet salvata minn Haber.
SLIEMA W.: 24-David Cassar, 3-Juan Pablo Morales Rengifo, 4-Raffaele Schiavi (88-Dejan Vukovic 70), 5-Kurt Shaw, 11-Ruslan Kisil (10-Gui Inters 66), 18-Edmond Agius, 21-Danny Holla, 23-Matteo Piciollo (72-Jean Carlos Cloth Goncalves 77), 29-Oscar Linton Bethancourt, 61-Myles Beerman, 99-Valmir Berisha – Coach: Andrea Pisanu
STA LUCIA: 16-Justin Haber, 4-Andre Prates, 6-Jurgen Pisani, 6-Nicholas Pulis, 7-Gianmarco Conti (22-Jamie Zerafa 70), 8-Patrick Silva Mota, 9-Vito Plut, 11-Meghon Valpoort (14-Jan Tanti 70), 17-Victor Luiz Preses Filho, 23-Dexter Xuereb, 29-Lorenzo Yoel Soares Fonseca – Coach: Giovanni Tedesco
REFEREE: Glen Tonna
ASS. REFEREES: Edward Spiteri, Roberto Vella
RABA’ UFF: Fyodor Zammit
SKORERS: V. Plut 13 (SL); R. Kisil 45 (SW)
AMMONITI: E. Agius, J. Morales, V. Berisha, G. Inters (SW); D. Xuereb, V. Prestes, J. Zerafa (SL)