Bit-tlielaq tal-ibburdjar posposti indefinitivament minħabba miżuri ta ’distanzi soċjali implimentati fid-dawl tal-pandemija Covid-19, ir-Royal Malta Yacht Club u l-RMYC Sailing School ħadu l-inizjattiva li jospitaw l-ewwel Regatta Virtwali għall-membri u baħħara aktar kmieni din il-ġimgħa.
Wara żewġ sessjonijiet ta’prattika, ir-Regatta Virtwali seħħet f’nofs il-ġimgħa u rat sitta u tletin parteċipant, jtellqu f’ambjent virtwali. Il-baħħara, li rrappreżentaw klabbs lokali u barranin, ġabu magħhom taħlita t’esperjenza fit-tlielaq tad-dinghies kif ukoll keelboat.
It-tlielaq bdew bil-flotta maqsuma f’żewġ gruppi – blu u isfar. Kull flotta kellha erba tlielaq ta’ kwalifikazzjoni. L-ewwel tmintax imbagħad ipproċedew għat-taqsima finali li kien fiha żewġ tlielaq.
Ir-Regatta ntrebħet minn Peter Fagan (RMYC), segwit minn Vishnu Saravanan (RMYC) u Matthew Micallef (Birżebbuġa Sailing Club Freeport).
“Regatta Virtwali hija sħubija esklussiva tal-World Sailing u tal-“eSailing World Championship” u hi il-kompetizzjoni l-iktar rinomata tal-eSport tal-ibburdjar fid-dinja” spjega Alex Denisiuc, Kowċ fl-Iskola tal-Ibburdjar tal-RMYC. “Għalkemm it-tlielaq kienu virtwali, il-kompetizzjoni qawwija kienet matul it-tellieqa kollha”.
Wara s-suċċess tal-ewwel avveniment, l-RMYC u l-RMYC Sailing School se jospitaw avvenimenti oħra.
Għal aktar informazzjoni żur il-websajt tal-Klabb fuq www.rmyc.org jew paġna tal-Facebook.
