Diversi gazzetti Spanjoli qalu li l-attakkant internazzjonali Pollakk Robert Lewandowski se jġedded il-kuntratt tiegħu ma’ Barcelona. Hu ngħaqad mal-Katalani mingħand Bayern Munich fl-2022 u minn dakinhar ‘l hawn skorja 49 gowl f’77 partita.
Lewandowski qal li jinsab kuntent mal-Katalani u kienet xi ħaġa naturali li jtawwal il-ftehim li għandu magħhom. Hu meqjus bħala plejer ta’ esperjenza u kariżmatiku u għalhekk id-diriġenza Katalana jriduh żgur sas-sena 2026.
