L-attakkant ta’ Liverpool, Roberto Firmino, rċieva offerti mill-Arabja Sawdija sabiex hemm ċans li jsegwi fuq il-passi ta’ Cristiano Ronaldo li ffirma ma’ Al Nassr.
Firmino jinsab fl-aħħar xhur tiegħu ta’ kuntratt ma’ Liverpool u hi x-xewqa tiegħu li jittanta xortih x’imkien ieħor. Minkejja kollox, ir-Reds huma lesti jinnegozjaw kuntratt ieħor għall-plejer Brażiljan.
U huma proprju Al Nassr li jixtiequ jiksbu s-servizzi tiegħu fejn qed jesploraw il-possibbilta’ li jakkwistawh wara Ġunju.
Firmino ilu ma’ Liverpool sa mis-sena 2015 fejn lagħab 244 partita filwaqt li skorja 78 gowl.
