Hekk kif Robin Gosens ħalla lil Inter sabiex ingħaqad ma’ Union Berlin fil-Ġermanja, hu mar fuq il-profil soċjali tiegħu fuq Instagram sabiex sellem lill-partitarji Nerazzurri li tant urewh sapport fit-18-il xahar li dam fi Stadio San Siro.
Gosens qal li jiddispjaċih ħafna li dawn il-partitarji ma rawx il-veru plejer li tant kien spikka ma’ Atalanta fl-istaġun ta’ qabel.
Gosens qal li minkejja li ma lagħabx ħafna ma’ Inter, xorta jiftakar il-mument meta lagħab fil-finali tal-UEFA Champions League kontra Manchester City. Hu waħħal ħafna fl-injury li kellu u li tellfu mhux ftit fir-ritmu tal-logħob tiegħu.
