Il-Ministeru tal-Ġustizzja tal-Italja talab lill-awtoritajiet Brażiljani biex jestradixxu lill-eks player ta’ Manchester City u Milan, Robinho, sabiex ikun jista’ jiskonta sentenza ta’ disa’ snin ħabs b’rabta ma’ stupru.
Robinho tilef l-aħħar appell tiegħu kontra l-kundanna ta’ stupru ma’ ħames persuna oħra li kien ressaqu f’Jannar li għadda.
Dan l-istupru fuq mara Albaniża seħħ f’għeluq it-23 sena tagħha f’nightclub fil-belt ta’ Milan fl-2013 waqt li kien qed jilgħab għal AC Milan.
Robinho u ħamsa oħra nstabu ħatja fl-2017.
Il-kundanna ġiet ikkonfermata minn qorti tal-appell fl-2020 u l-verdett, li kkundannat lil Robinho, 38 sena, għal disa’ snin ħabs, mill-Qorti Suprema f’Ruma.
Dan ifisser li s-sentenza ma tistax tiġi kkontestata u hija definittiva.
