Roderick Cassar ta’ 44 sena kien ikkunnat 40 sena ħabs wara li ammetta li qatel lil martu Bernice, tliet snin ilu.
Fil-Qorti, ħareġ li Cilia, li kellha 40 sena u kienet omm ta’ żewġt itfal, inqatlet b’tiri ta’ sentejn fil-qasam industrijali ta’ Kordin fl-għodwa tat-22 ta’ Novembru tal-2022.
Matul il-kumpilazzjoni tax-xhieda, ħareġ li hija kienet qed tibża’ minn Cassar hekk kif heddidha diversi drabi li kien se joqtolha. Saħansitra ħames xhur qabel, hija kienet għamlet rapport fit-Taqsima tal-Vjolenza Domestika.
Roderick Cassar ġie mixli bil-qtil tagħha u kien l-ewwel persuna f’Malta li ġie akkużat b’femiċidju volontarju. Dan ir-reat jikkostitwixxi forma aggravata tal-qtil, wara l-emendi fil-Kodiċi Kriminali li daħlu fis-seħħ fl-2022.
Id-difiża kienet immexxija mill-Avukat Dr Arthur Azzopardi, waqt li l-prosekuzzjoni tmexxiet mill-Avukati Dr Anthony Vella, Dr Kayleigh Bonett, u l-Ispetturi Shaun Pawney u l-Ispettur Wayne Camilleri, waqt li għall-qraba tal-vittma dehru l-Avukati Dr Marita Pace Dimech u Dr Ann Marie Cutajar Galea.