Il-midfielder internazzjonali Spanjol ta’ Manchester City, Rodri, iffirma kuntratt ġdid ta’ ħames snin sas-sajf tal-2027.
Huwa għamel 151 dehra mat-team ta’ Pep Guardiola minn mindu ngħaqad magħhom mingħand Atletico Madrid għal rekord tal-club ta’ dak iż-żmien ta’ £62.8 miljuni fl-2019.
Huwa rebaħ ħames unuri kbar fl-Etihad Stadium, inklużi titli tal-Premier League wara xulxin.
“Li ngħaqadt mas-City fl-2019 hija l-aħjar deċiżjoni li ħadt fil-karriera tiegħi. Ħabbejt kull sekonda,” huwa qal.
