AS Roma akkwistaw is-servizzi ta’ Houssem Aouar li kien fl-aħħar xhur tiegħu fil-kuntratt ma’ Olympique Lyon. Ilbieraħ, il-plejer żagħżugħ kellu t-testijiet mediċi fil-belt kapitali Taljana u kollox irriżulta pożittiv. Hu se jingħaqad mal-Giallorossi b’xejn bit-tim immexxi minn Jose Mourinho li kiseb l-ewwel akkwist għall-istaġun li ġej.
Aouar se jilgħab l-aħħar ġimgħat fi Franza sabiex minn Lulju li ġej jingħaqad ma’ Roma. Hu jilgħab bħala plejer f’nofs il-grawnd, dipartiment li Mourinho xtaq isaħħaħ b’mod partikolari.
