Wara l-battibekk li nqala’ bejn il-plejer ta’ Roma Rick Karsdorp u l-kowċ Jose Mourinho, it-tim mill-belt kapitali Taljana qed jaħdem sabiex iż-żewġ partijiet jerġgħu jingħaqdu u eventwalment jieħdu b’idejn xulxin qisu qatt ma ġara xejn.
Mhux se tkun biċċa xogħol faċli minħabba li Mourinho hu kkunsidrat bħala rasu iebsa u diffiċli tikkunvinċih malajr.
Jekk dan kollu ma jseħħx, Juventus huma lesti sabiex jiksbu l-firma ta’ dan il-plejer.
Sadanittant Roma diġa’ qed jaħdmu sabiex isibu sostitut għalih fejn qed jissemma’ Bartosz Bereszynski ta’ Sampdoria, l-eks plejer ta’ Arsenal Hector Bellerin jew inkella Emil Holm li jilgħab ma’ Spezia.
