Id-difensur ta’ Wolves, Romain Saiss, qed jitqies bħala mira potenzjali ta’ trasferiment għal Sevilla.
Saiss, li jinsab fis-sitt staġun tiegħu fil-Molineux Stadium, ingħata ħajja ġdida taħt il-gwida tal-manager Bruno Lage, bil-player ta’ 31 sena jistabbilixxi lilu nnifsu bħala parti ewlenija mid-difiża ta’ tliet players tal-club.
Madankollu, filwaqt li dan l-istaġun il-player ta’ 31 sena beda 21 partita fil-Premier League, fadallu biss erba’ xhur u nofs fil-kuntratt tiegħu.
Dan jista’ jiftaħ il-bieb għal Sevilla, li identifikaw lil Saiss bħala akkwist possibbli qabel l-istaġun li ġej.
Huwa mifhum li d-direttur sportiv ta’ Sevilla, Monchi, jista’ jfittex li jakkwista lil Saiss bħala sostitut għal wieħed minn Jules Kounde jew Diego Carlos.
Filwaqt li huwa ssuġġerit li Saiss jista’ jkun kuntent li jieħu sfida ġdida fi tmiem il-kuntratt eżistenti tiegħu, tkun sorpriża jekk Wolves ma jipprovawx jiftiehmu termini ġodda ma’ player li għamel 198 dehra fil-kompetizzjonijiet kollha.
Tlieta minn sħab Saiss mal-Marokk – Bono, Munir El Haddadi u Youssef En-Nesyri – diġà jinsabu jilagħbu ma’ Sevilla f’Estadio Ramon Sanchez Pizjuan.
