Wara l-aħħar eżamijiet li għamel fil-klinika ta’ Inter FC, l-attakkant internazzjonali Belġjan Romelu Lukaku jħossu aħjar u mistenni jibda jitħarreġ sa minn għada taħt il-gwida tal-kowċ Simone Inzaghi. Dan tal-aħħar kien ferm kuntent b’dawn ir-riżultati hekk kif issa m’għandu l-ebda plejer imweġġa’ fl-iskwadra tiegħu.
Lukaku kien ilu 50 ġurnata barra u l-għan tiegħu hu li jilgħab fil-logħba ta’ bħal-lum ġimgħa mill-UEFA Champions League kontra Viktoria Plzen.
