L-attakkant internazzjonali Belġjan ta’ Napoli, Romelu Lukaku, se jdum barra mill-azzjoni għall-erba’ xhur li ġejjin hekk kif qed jirkupra minn injury muskolari f’koxxtu.
L-aħbar it-tajba hija li m’għandux bżonn li jiġi operat iżda l-injury xorta waħda hija meqjusa bħala waħda serja hekk kif ċarrat muskolu fil-partita ta’ ħbiberija kontra Olympiakos li ntlagħbet fl-14 ta’ dan ix-xahar.
L-attakkant ta’ 32 sena se jitħalla barra mill-iskwadra għall-Fażi tal-Kampjonat tal-UEFA Champions League.
Barra minn hekk, issa Napoli jridu jħaffu biex jixtru attakkant sal-1 ta’ Settembru li ġej.