Id-difensur ċentrali ta’ Barcelona, Ronald Araujo, huwa rappurtat li jrid itawwal il-karriera tiegħu fil-Camp Nou, bil-kuntratt attwali tiegħu se jiskadi fl-2023.
Il-player ta’ 23 sena impressjona minn meta Xavi ħa t-tmun tal-club mill-Katalunja, u bil-wirjiet tiegħu li dejjem jitjiebu Araujo huwa maħsub li se jkun qed jiffirma kuntratt ġdid mal-club.
Il-wirja dominanti ta’ Barcelona ta’ 4-0 fil-Bernabeu kontra r-rivali u l-leaders tal-La Liga Real Madrid nhar il-Ħadd uriet it-titjib tagħhom taħt Xavi, u jingħad li l-proġett qed jogħġob lid-difensur Urugwajan.
Araujo jinsab kuntent ma’ Barcelona u wara t-twelid ta’ bintu fil-belt, iħossu f’daru fil-Katalunja u jixtieq li dan ikompli fil-futur qrib.
Il-ġganti Spanjoli huma mistennija li jkollhom iwarrbu offerti minn barra l-pajjiż, b’mod partikolari minn clubs tal-Premier League, iżda Barcelona jinsabu f’pożizzjoni b’saħħitha li jżommu lil Araujo wara d-data tat-tmiem attwali tiegħu fil-kuntratt tiegħu.
Araujo deher 72 darba b’kollox għal Barcelona minn mindu ngħaqad magħhom fl-2020, fejn skorja sitt goals, erbgħa minnhom matul dan l-istaġun.
