Id-difensur ta’ Barcelona, Ronald Araujo, qed isaħħaħ il-ħiliet tiegħu fl-Ingliż fost rabtiet ma’ trasferiment fil-Premier League.
Il-Blaugrana qed jippruvaw jorbtu lill-player ta’ 22 sena b’kuntratt ġdid fil-Camp Nou, bil-ftehim attwali tiegħu se jiskadi fi żmien inqas minn 18-il xahar.
Madankollu, Barcelona suppost qed jissieltu biex jaqblu dwar ftehim ġdid ma’ Araujo, li jrid li s-salarju tiegħu jirrifletti l-istatus tiegħu bħala wieħed mill-players ewlenin ta’ Xavi.
Huwa mifhum li Araujo issa qed jaħdem fuq il-ħiliet tiegħu fl-Ingliż wara interess rappurtat minn clubs bħal Liverpool, Chelsea u Manchester United.
Jidher li l-prijorità ta’ Araujo għadha li jaqbel ma’ ftehim ġdid mal-ġganti Katalani, iżda diġà rċieva ‘proposti attraenti’ mingħand clubs Ingliżi.
Araujo skorja tliet goals fi 30 dehra mal-Blaugrana dan l-istaġun u diġà rebaħ il-Copa del Rey mal-club sa minn meta ngħaqad magħhom fl-2018.
