Ronald Koeman huwa wieħed minn numru ta’ individwi fi ħdan Barcelona li saru suspettużi dwar l-intenzjonijiet ta’ Gerard Pique.
Id-difensur huwa magħruf li għandu relazzjoni mill-qrib mal-ġerarkija ta’ Barcelona, peress li ilu fil-club mill-2008.
Barra minn hekk, Pique spiss kien fuq quddiem fl-attenzjoni tal-media, ħa tnaqqis fil-paga qabel ħaddieħor fil-club fis-sajf, u ġie kkwotat li qal “aħna dak li aħna” wara t-telfa ta’ 3-0 kontra Bayern Munich fiċ-Champions League.
Huwa mifhum li xi wħud ġewwa d-dressing room ta’ Barcelona qed isiru suspettużi dwar l-azzjonijiet ta’ Pique, inkluż il-manager Koeman.
Hemm suġġerimenti li l-player ta’ 34 sena qiegħed ipoġġi l-interessi kummerċjali tiegħu fuq dak li hu l-aħjar għall-club kollu.
Intant, Koeman mhux kuntent bl-assoċjazzjoni ta’ Pique mal-president Joan Laporta, għax jemmen li d-difensur jista’ jkollu influwenza fuq il-bord.
